***kubli

++
kanina ko pa naririnig
ang tawag ng kahapon
sigaw ng luha't hinagpis
na di makayang itapon

sukob ng buhay
ang literal na pag-away
sinusubukan ng panahong
hindi ka mahihintay

sandaling pangarap
unti-unting pumipiglas
sa kapit ng tiwalang
bigla-biglang nawawala

sapat na paniniguro
ang sadyang nagpapamalas
kapalit ng sakit na tiyak nang
walang mahahanap pa na katumbas

ultimong sarili'y
di na naturingang buhay pa
na ang bawat bitiw ng salita'y
pumapatay sa kanya

ang natatanging paghiling
sa posible'y mananalig
sa di kalayuang hangaring
hindi basta basta mapipigil

huwag lang sanang mawaglit
ang lubid ng pag-asang kinukubli
dahil wala nang iba pang papalit
sa tanging asam na minimithi.

(xxx)
enough said.